Голливуд актёри Брэд Питт рафиқаси Анжелина Жоли билан ажрашгандан кейин спиртли ичимликлар ичишни ташлади, деб хабар берди Lenta.ru нашри.
“Бизнинг жуда катта шароб заҳирамиз бор. Шароб ичишни жуда-жуда яхши кўрсам-да, нафас ростлашга қарор қилдим, ичишни тўхтатдим”, — деди Питт.
Артист спиртли ичимлик ўрнига клюква шарбати ва газли ичимликлар ичаётганлигини, ҳаётининг спиртли ичимлик ичиш билан ўтган даврига қайтишни истамаслигини ҳам айтиб ўтди. Жуфтликнинг ажралишига хусусий самолётда парвоз қилаётганда Бреднинг маст ҳолатда болалардан бирини ургани сабаб бўлди. Ўтган йилнинг сентябрь ойида Жоли ажрашиш учун судга ҳужжат топширди. У бунинг сабабини Бред Питтнинг оталик масъулиятини унутиб қўйганлигида, деб тушунтирди. Актриса болаларни ёлғиз катта қилишни талаб қилган бўлса-да, Питт бунга кўнмади.
Питт ва Жолининг 6 фарзанди бор, шулардан уч нафарини асраб олган.
