Хитойнинг турли туманларида олиб борилаётган қурилиш ишлари жараёнида бир пайтнинг ўзида эрамиздан олдинги 1 минг йилликка тегишли иккита қадимий қабр топилди, деб хабар берди Vesti.ru нашри.
9 май куни Хитойнинг Чунцин шаҳрида болалар боғчаси қурилиши пайтида қадимий қабрлардан бири топилгани ҳақида маълум қилинди. Археологлар қабр ичидан эрамиздан олдинги 25-220 йиллардаги, Шарқий Хань даврига тегишли кулоллик буюмлари, ҳайкалчалар ва синиб кетган тангаларни топишди.
11 май куни Хэбэй вилоятидаги Цзюйлу уездидан яна бир эски қабр топилгани маълум бўлди. Узунлиги 2,5 метр, эни 2,3 метр, баландлиги 2,5 метр бўлган қабр ичидан 8 та буюм топилди. Мазкур қабр эрамиздан илгари 581-618 йилларда мавжуд бўлган Суй сулоласига тегишли эканлиги аниқланди.
