Тошкент шаҳар Ички ишлар бош бошқармаси бошлиғи ўринбосари Дониёр Тошхўжаевнинг маълум қилишича, аёллардан бири ўзининг 4 ёшар ўғлини сотиб, шу йўл билан ўзининг молиявий муаммоларини ҳал этмоқчи бўлган.
Бунинг учун боланинг онаси қашқадарёлик танишига ҳаридор топишни илтимос қилиб мурожаат қилган. Аввалига улар болани 2 минг АҚШ долларига сотишни режалаштирган, бироқ кейин ушбу нархни тенг яримига туширишга мажбур бўлган.
Икки аёл ҳам воқеа жойида қўлга олинди. Ҳозирда бола Тошкент шаҳри ИИББга қарашли реабилитация марказига жойлаштирилган.
