​Тамила беҳаё суратлари ва видеосини тарқатиш кимга керак бўлгани ҳақида гапирди

Хонанда Тамила иштирокидаги беҳаё суратлар ва видео тарқалганидан сўнг “Маэстро” продюсерлик компанияси у билан ҳамкорликнитўхтатган эди. Шундан сўнг хонанда бир муддат кўринмай қолди. Бу орада турли миш-мишлар тарқалди. Ҳатто, “Тамила бошқа давлатга кўчиб кетибди” деганлар ҳам бўлди.

Хонанда “Shok.uz” сайтига берган интервьюсида беҳаё суратлари ва видеосини тарқатиш кимга керак бўлгани ҳақида гапирди.

“Ижодда танаффус қилишимга шахсий ҳаётим сабаб. Ижод қилишимга турмуш ўртоғим қарши эди. У билан анча олдин ажрашганмиз, лекин мени ҳалигача тинч қўймайди. У мен ижод билан шуғулланмаслигим учун қўлидан келган ҳамма ишни қилди. Жумладан, туҳмат ва менинг иштирокимда фотошопда қилинган беҳаё суратлар ва видеони ҳам тарқатди. Мен бўлиб ўтган ишлардан ғазабга тушдим. Уларни суд тиббий экспертизасига топширдим ва бу суратлар ҳамда видеода мен эмаслигимни исботладим. Суд ходимлари менга туҳмат қилган инсонни судга беришим мумкинлигини айтишди. Лекин мен бундай қилмадим. У менинг ҳаётимни барбод қилган бўлса ҳам, мен унинг ҳаётини бузишни истамадим. Сабаби, мен Худога қаттиқ ишонаман.

У инсон ҳозиргача мени тинч қўймайди. Ўтган йиллар ичида қандай дўзаҳда яшаганимни сиз тасаввур ҳам қилолмайсиз. Агар у мени тинч қўймайдиган бўлса, давлатдан ёрдам сўрашимга тўғри келади. Мен шунчаки тинч яшашни истайман”,—дейди Тамила.