Мексиканинг Герреро штатидаги Акапулько шаҳридан мамлакат пойтахтига йўл олган 29 нафар полициячи ўтирган автобусга 3 нафар жиноятчи ҳужум қилди, деб хабар берди “Газета.ру” нашри.
Ёнида табель қуроли бўлмаган полициячилар ижарага олинган сайёҳлик автобусида мамлакат пойтахтига дам олиш учун жўнаган эди. Транспорт воситасининг ҳайдовчиси ярим кечаси автобус бузилиб қолгани учун йўлда тўхташга мажбур бўлди. Жиноятчилар қулай вазиятдан фойдаланиб, автобусдаги полициячиларга қурол ўқталганча, уларнинг пулларини, мобиль телефонларини ва шахсий буюмларини тортиб олди.
