Американинг Вашингтон штатидаги Порт-Таусенд шаҳридаги чархпалак аттракционида учаётган 2 аёл ва 7 ёшли бола унинг қулаши оқибатида тан жароҳати олди, деб хабар берди Tvzvezda.ru нашри.
Икки аёл ва бола ўтирган кабина 4,6 метр баландликка кўтарилганда ағдарилиб кетди. Улар металл қопламали майдонга қулади. Йиқилган аёллардан бири пастки кабинада ўтирган эркакни босиб қолди, эркак бундан жабрланмади. Тан жароҳати олган аёллардан бири оғир аҳволда вертолётда касалхонага олиб кетилди. Бола ва яна бир аёлнинг аҳволи қоникарли даражада. Чархпалак ағдарилишига нима сабаб бўлгани ўрганилмоқда. Воқеа юзасидан тергов ишлари олиб борилмоқда.
