Буюк Британия ҳуқуқ-тартибот идораси ходимлари Манчестер шаҳрида теракт содир этишда гумонланган Салмон Абедийнинг уйида портловчи модда ясовчи устахона борлигини аниқлади, деб хабар берди Vesti.ru нашри.
Нашр берган маълумотга кўра, террорчи-худкушнинг уйидан бир нечта бомба ясаш учун етадиган кимёвий моддалар топилган.
Полиция раҳбари Иан Хопкинс 22 май куни “Манчестер Арена” концерт мажмуасида рўй берган терактни уюшган жиноий гуруҳ амалга оширган, деб ҳисоблади. Айни пайтда гуруҳнинг бошқа аъзолари қидирилмоқда.
22 май куни “Манчестер Арене” стадионида хонанда Ариана Гранденинг концертида кучли портлаш бўлди. Минглаб томошабин ўтирган стадионда болалар ва ўсмирлар ҳам бўлган. Манчестер шаҳар стадионида рўй берган теракт 22 кишининг ҳаётига зомин бўлди. 120 киши яраланди. Мазкур терактни “Ислом давлати” террорчилик гуруҳи ўз бўйнига олди.
