Ўзбекистон Республикаси Президенти 26 май куни “Женерал Моторс Ўзбекистон” АЖ ишлаб чиқараётган маҳсулотларга нархлар шаклланишини такомиллаштириш чора-тадбирлари тўғрисида қарор имзолаб, унга кўра 1 июндан GM Uzbekistan АЖнинг барча автомобиль моделларини ички бозорда миллий валюта – сўмга сотилиши белгиланганди.
Бугун GM Uzbekistan сайтида барча автомобилларга белгиланган нархлар эълон қилинди.
Эслатиб ўтамиз, “Ўзавтосаноат” компаниясига 2017 йилнинг 1 июнигача тузилган шартномалар бўйича енгил автомобилларни етказиб бериш ва тўловларни қабул қилиш, шартномаларда назарда тутилган қатъий шартлар ва белгиланган муддатларда тўловларни халқаро пластик карточкалари орқали амалга ошириш топширилган.
