Россия президенти Владимир Путин америкалик режиссёр Оливер Стоунга берган интервьюсида 5 та суиқасддан омон қолганлигини маълум қилди, деб хабар берди Tvzvezda.ru нашри.
“Уч марта президентлик муддати давомида 5 маротаба суиқасд. Собиқ Куба раҳбари Фидел Кастро билан таққослаганда бу рақам унча кўп эмас. Кастродан интервью олганимда унга 50 маротабага яқин суиқасд уюштирилганлигини айтган эди”, деди Оливер Стоун.
Америкалик режиссёр Оливер Стоун Владимир Путин ҳақида фильм суратга олмоқда. Фильм тўртта сериядан ташкил топган бўлиб, 12 июнь куни премьераси ўтказилиши кўзда тутилган.
