Эрон тарихида илк бора худкуш-аёл иштирокидаги иккита теракт содир бўлди, деб хабар берди Ntv.ru нашри.
Портлаш оқибатида 13 киши ҳалок бўлди, 43 киши яраланди. Эроннинг сиёсий зиёратгоҳи бўлмиш Ислом инқилоби етакчиси Айтулло Ҳомейнийнинг мақбараси олдида бир неча дақиқа фарқ билан икки марта портлаш бўлди. Полиция берган маълумотга кўра, одамлар нима воқеа рўй берганини дарров англамаган. Портлаш ва отишма овозларидан кейин одамлар саросимага тушган. Аёллар либосини кийган террорчилар парламент биносига ҳужум қилган. Бинодагилар нима воқеа рўй берганини тушунганда, кеч бўлганди. Ичкарига бостириб кирган жангарилар йўлда учраган одамни ўққа тутган. Уларнинг қўлида Калашников автоматлари ва тўппончалар бўлган. Шу билан бирга имом Ҳомейнийнинг мақбарасига ҳам ҳужум қилинган. Аввал одамлар ўққа тутилган, кейин худкуш аёл белидаги ажал камарини ишга туширган. Мақбара олдига қўйилган яна бир бомба зарарсизлантириб, учинчи терактнинг олдини олинди.
Теҳрон мазкур терактни амалга оширишда АҚШ ва Саудия Арабистонининг қўли бор, деб ҳисобламоқда.
Чунки АҚШ президенти Дональд Трамп ва Саудия Арабистони раҳбарининг учрашувидан роппа-роса бир ҳафта ўтгач, теракт содир бўлган. Эрон ҳукуматининг фикрича, улар террорчиларни қўллаб-қувватлаган. Аммо мазкур теракт масъулиятини “Ислом давлати” террорчилик гуруҳи ўз бўйнига олди. Эрон хавфсизлик кенгаши фавқулодда равишда йиғилиш ўтказиб, нафақат террорчилардан, балки уларни қўллаб-қувватлаётганлардан ҳам ўч олишга ваъда берди.
02.05.2024, 15:35
АҚШ Давлат департаменти томонидан эълон қилинган баёнотга кўра, Россия қўшинлари украиналик аскарларга қарши хлоропикрин заҳарли моддасидан фойдаланган. Бу ҳақда СNN хабар берди. Вашингтоннинг фикрича, Москва кимёвий қуроллардан...
29.04.2024, 18:03
АҚШнинг Огайо штатида яшовчи 74 ёшли Энн Маерс Фейрфилд шаҳридаги банкни ўмаришда айбланмоқда. Бу ҳақда zamon.uz хабар берди. Тинтув чоғида машинадан ўғирлик пайтида қўллангани айтилаётган тўппонча, шунингдек, аёлга тегишли...
19.04.2024, 17:02
Қўшма Штатлар Фаластинни БМТга тўлақонли аъзо сифатида қабул қилиш резолюциясини блоклади. Давлатлар ташкилот Хавфсизлик кенгаши йиғилишида вето ҳуқуқидан фойдаланди. Бу ҳақда “ТАСС” хабар берди.Ҳужжатни Хавфсизлик...
27.12.2022, 10:08
АҚШда қишки бўрон туфайли камида 50 киши ҳалок бўлди, деб хабар берган NBC News. Телеканалнинг аниқлик киритишича, қурбонларнинг аксарияти - камида 14 нафари Нью-Йорк штати...
