Машҳур “Рокки” ва “Каратечи бола” фильмларининг режиссёри Жон Эвилдсен 81 ёшда оламдан ўтди, деб хабар берди Tvzvezda.ru нашри.
Эвилдсен Лос-Анжелес шаҳар тиббиёт марказларидан бирида ошқозон ости саратонидан вафот этди, деб маълумот берди режиссёрнинг ўғли. Бу фильмда Рокки ролини Сильвестер Сталлоне ижро этган. Мазкур фильм ижодкорлари нафақат “Оскар”, балки бир қанча нуфузли мукофотларни қўлга киритишган. “Рокки” дунё аҳлининг севимли фильмларидан бирига айланган.
“Рокки” фильмининг режиссёрлиги учун “Оскар” мукофотини қўлга киритган буюк режиссёр Жон Эвилдсен оламдан ўтди. Унинг самода ҳам хит фильмларни яратишига ишониб қоламан...”, деб ёзди Сильвестер Сталлоне.
