“Арвоҳ овловчилар-2” фильмида болакай Оскарнинг ролини ижро этган америкалик актёр, 29 ёшли Генри Дойчендорф ўз жонига қасд қилди, деб хабар берди Vesti.ru нашри.
Калифорния полицияси берган маълумотга кўра, Дойчендорф узоқ вақтдан бери депрессиядан азият чеккан.
Фожиа 14 июнь куни рўй берганига қарамай, бу ҳақда энди хабар берилди. Генри “Арвоҳ овловчилар-2” фильмида суратга тушган акаси Уильям билан бирга истиқомат қилган.
Уильям 14 июнь куни кечқурун акасини ўлик ҳолда шкафдан топган. Унинг айтишича, Генри анчадан бери депрессиядан азият чеккан. Генри Дойчендорф Калифорниянинг Эскандидо шаҳрига дафн этилди. Эгазак ака-укалар фантастик фильмда биргаликда болакай Оскар ролини ижро этган. Фильм сюжетида боланинг ичига ёвуз руҳ кириб олишга ҳаракат қилади.
