Қиролича Мария Лондон университети олимлари сурункали чарчоқдан қутулишнинг энг қулай усулини маълум қилди, деб хабар берди Lenta.ru нашри.
Тадқиқот натижалари The Lancet журналида чоп этилган, бу ҳақда The Telegraph нашри хабар берган. Мунтазам равишда жисмоний машқлар билан шуғулланиш сурункали чарчоқ синдромидан қутулишда ёрдам беради. Олимларнинг бундай хулосага келишига тадқиқотлар сабаб бўлиб, улар 12 ҳафта мобайнида 200 нафар инсоннинг саломатлигини кузатишди. Депрессия ва уйқусизликка қарши дори ичганларга кўра, жисмоний тарбия билан шуғулланганларнинг аҳволи яхшиланган.
Сурункали чарчоқ асаб тизимининг чарчаганлигидан дарак беради. Мазкур синдром ривожланган мамлакатлардаги ҳар мингтадан етти кишига тўғри келади.
