Британия MI5 контрразведкасининг собиқ агенти малика Дианани айнан ўзи “ўлдирганлигини” тан олди, деб хабар берди Tvzvezda.ru нашри.
Британия MI5 контрразведкасининг собиқ агенти, 80 ёшли Жон Хопкинс унга малика Диана “Британия тож-тахтига хавф солгани учун” ўлдириш топшириғи берилганлигини маълум қилди.
“Диана қироллик сирларидан хабардор эди. Аксарият ҳолларда омма олдидаги чиқишларида мазкур сирларни ошкор этарди. Бошлиғим “Диана ўлиши керак”, деди. Шундан кейин бахтсиз ҳодиса сценарийси ўйлаб топилди”, деди Жон Хопкинс.
Собиқ агент буйруқни бажарганлигини, қиролича ва бутун мамлакат хавфсизлиги учунгина мазкур ишга қўл урганини таъкидлади. У малика Дианани ўлдириш бўйича қотиллик режаси қандай тузилганини ошкор этмади.
Малика Диана 1997 йилнинг 31 август куни Парижда Доди ал-Файед ва ҳайдовчиси Анри Поль билан автомобилда кетаётганда Сена қирғоғидаги Алма кўприги тагидаги туннелда автоҳалокатга учраб, ҳалок бўлган.
