Американинг машҳур ҳафталик “Time” журнали АҚШ президенти Дональд Трамп ва Суриянинг Алеппо шаҳрида истиқомат қилган блогер қиз Бану Алебедни интернетдаги энг нуфузли инсонлар деб топди, дея хабар бермоқда «PIA Новости» нашри.
Оқ уй раҳбари «Интернетдаги 25 нафар энг нуфузли инсон» рўйхатига Twitter’даги шахсий ва расмий аккаунтида мунтазам жойлаштириб бориладиган матнлари туфайли киритилди. Унинг мазкур ижтимоий тармоқдаги муштарийлари сони бўйича дунёда етакчи эканлиги қайд этилган.
Алепполик қиз ҳам Twitter’даги хабарлари туфайли танилди. Журналнинг ёзишича ушбу маълумотлардан «дунё Суриядаги фуқаролик уруши даҳшатларидан хабар топди». Ўтган йил декабрида Бану Алебед ота-онаси билан Алеппони тарк этди ва Туркияга кўчиб ўтди.
Шунингдек, “Time”нинг интернетдаги энг таъсири кучли инсонлар рўйхатидан Россиялик блогер Алексей Навальний, британиялик ёзувчи Жоан Роулинг, Америкалик хонандалар Кэти Перри ва Рианна, реалити-шоулар юлдузи Ким Кардашьян ҳам ўрин олди.
