Янги қўшиқлар ва клиплар билан ижодга қайтаётган хонанда Озода Нурсаидова кўпчиликнинг қалбидан жой эгаллаган хит қўшиқларидан бирини араб тилида қайта куйлади.
“Холос” қўшиғи хонанданинг мухлислари ва дўстлари таклифига биноан қайта сайқалланиб, янгича кўриниш касб этди. Мазкур таронага клипмейкер Тимур Пиримқулов клип суратга олмоқда. Клипда бош ролларни Римма исмли баллерина қиз ва кино соҳасига энди кириб келаётган ёш актёрлардан бири ижро этган. “Sayyod.com” клип суратга олиш жараёнидан репортаж тайёрлади.
Озода Нурсаидова клипда бир неча образда намоён бўлади. Образлар муаллифи стилист-визажист Лидия Андре.
Араб тилида куйланган “Холос” қўшиғига ишланаётган клип 2 та талқинда суратга олинмоқда. Улардан бири ўзбек аудиториясига, иккинчиси эса миллий аудиториясига мўлжалланган.
