Вашингтондаги АҚШ конгресси биноси ёнида чоршанба куни Дональд Трампнинг соғлиқни сақлаш тизимидаги ислоҳотлари юзасидан ўтказилган норозилик намойишидан сўнг қирқ киши қамоққа олинди, деб хабар берди Ria.ru нашри.
Hill газетасининг хабар беришича, конгресснинг хавфсизлиги учун жавобгар бўлган Капитолия полицияси сенаторлар офисидан бўлган қўнғироқдан кейин норозилик намойиши қатнашчиларига намойишни тўхтатиш таклиф этилган. Полициянинг таклифига рози бўлмаган иштирокчилар қамоққа олинган.
Нашрнинг хабар беришича, намойишни асосан Planned Parenthood (“Режалаштирилган оила”) ҳаракати тарафдорлари ўтказган. АҚШ президенти Дональд Трампнинг абортга қаршилиги танқидларга сабаб бўлган эди. Намойишчилар “Соғлиқни сақлаш тизими ҳозирги кунда”, “Соғлиқни сақлаш тизимимизни қайтаринг!”, деган шиорларни кўтариб олди. Дональд Трампнинг соғликни сақлаш тизимида ислоҳотлар ўтказишга ҳаракат қилиши мамлакат фуқароларининг норозилигига сабаб бўлди.
