“Ўзтрансгаз” компанияси 15 июлдан эътиборан аҳолига етказиб бериладиган табиий газ нархи ошиши ҳақида эълон қилди.
Шу ойнинг ярмидан бошлаб ҳисоблагич бор хонадонларда газ нархи 10 кубометр учун 2 634 сўмни ташкил қилди (2461 сўм ўрнига, ўсиш — 7%).
Ҳисоблагичи бўлмаган хонадонларда 10 кубометр газ учун тўлов 4559,9 сўмни ташкил қилади (ҳозирги 4225,9 сўм ўрнига, ўсиш — 7,8%), исситиш тизими учун — 2 112,45 сўм (1973,7 сўм ўрнига ўсиш — 7%).
Бунгача коммунал хизмат нархлари 2016 йилнинг 1 октябридан оширилган эди.
Шуни таъкидлаш жоизки, Президентнинг янги қарорига асосан 1 октябрдан ҳисоблагич ўрнатилмаган хонадонлардан икки баравар нарх тўланиши ҳақидаги янги тартиб бекор қилинди ҳамда ҳисоблагич ўрнатиш “Ўзтрансгаз” АКнинг шахсий маблағлари ҳисобига амалга оширилиши белгиланди.
