“Манчестер Юнайтед” клуби “Эвертон” ҳужумчиси Ромелу Лукакуни қўлга киритиш борасида “Челси” билан баҳслашишга тайёр.
Маълумотларга кўра, ҳар иккала клуб бельгиялик футболчи учун 114 миллион евродан воз кечишга тайёр бўлиб турибди. Бу эса дунё футболи тарихидаги рекорд трансфер бўлиши мумкин. Айни дамда ушбу кўрсатгич Поль Погбага тегишли. Франциялик футболчи 2016 йилда “Ювентус”дан МЮга 59 млн фунтга кўчиб ўтган эди.
Эслатиб ўтамиз, бундан аввалроқ “Челси” ўзининг собиқ футболчиси билан келишиб олганлиги ва футболчига ҳафтасига 150 минг фунт маош тўлаши ҳақида хабарлар тарқалган эди.
Маълумот учун, 24 ёшли футболчи “Эвертон”га 2014 йилда “Челси”дан 35 млн евро эвазига келиб қўшилган эди. Унинг “ирисчилар” билан амалдаги шартномаси 2019 йилга қадар имзоланган.
