Мадриднинг “Реал” жамоаси ярим ҳимоячиси Хамес Родригес Германиянинг “Бавария” футболчисига айланди. Бу ҳақда Мюнхен клуби расмий сайти хабар берди.
“Бавария” клуби колумбиялик футболчини харид қилиш ҳуқуқи билан 2 йилга ижарага олди. Мюнхенликлар Хамеснинг ижараси учун “Реал”га 15 миллион евро тўлайди.
Аввалроқ истеъдодли футболчига “Манчестер Юнайтед” ва “Челси” клублари жиддий қизиқиш билдираётган эди. Аммо, футболчи якунда Германияга ўтишга қарор қилди.
