Никоҳ тўйи 30 минг долларга тушган америкалик қиз сўнгги дақиқаларда тўйни бекор қилиб, мазкур пулни уйсизлар учун зиёфат уюштириш учун сарфлашга қарор қилди, деб хабар қилди Tengrinews.kz нашри.
АҚШнинг Индиана штатида яшовчи 25 ёшли Сара Каммингс зиёфат учун Ritz Charles меҳмонхонасининг залини ижарага олди. Қиз тўйнинг нима учун бекор қилинганлигига изоҳ бермади. У ўзи яшайдиган туманда жойлашган уй-жойи йўқ одамлар яшовчи муассасага қўнғироқ қилиб, 170 кишини зиёфатга таклиф этди.
“Никоҳ тўйимга таклиф этилган одамларга қўнғироқ қилиб, тўйнинг бекор қилинганлигини айтиш менга жуда оғир бўлди”, деб ёзди қиз ижтимоий тармоқларда.
Қиз турмушга чиқмоқчи бўлган куёв — Логан Араужио тўй сарф-харажатининг асосий қисмини кўтарган эди. Камғаллар учун зиёфат уюштириш таклифи унга ҳам маъқул келди. Куёв келиннинг қисқа фурсатда бундай қарорга келганидан, унинг жудаям бағрикенг ва меҳрибон инсон эканлигидан фахрланишини билдирди.
Сара бундан ташқари меҳмонларни зиёфатга олиб келиш учун махсус автобуслар ҳаракатини йўлга қўйди. Маҳаллий корхоналардан бири “меҳмон”ларнинг зиёфатга бориши учун оқшом кўйлакларини совға қилди.
