АҚШ ҳукумати келаси ҳафтада фуқароларининг Шимолий Кореяга боришлари тақиқлангани ҳақида маълум қилади, деб хабар берди Ntv.ru нашри.
Расмий тақиқ 27 июль куни эълон қилинади, орадан 30 кун ўтгач, кучга киради. Эслатиб ўтамиз, июнь ойида америкалик талаба Отто Уормбиер Шимолий Кореяда тарғибот плакатини йиртгани учун 15 йиллик қамоқ жазосига ҳукм қилинган, кейинчалик эса кома ҳолатида уйига жўнатилган эди.
Дональд Трамп Отто Уормбиерни Шимолий Корея тартибининг сўнгги қурбони, деб атаб, Пхеньянга қарши санкция муддатини узайтирди.
