Лондон ҳукумати Lovebox Festival мусиқа фестивали ўтказилаётган жой яқинидаги кўчада қўлбола лимонад сотган 5 ёшли қизга 300 доллар жарима ёзди, деб хабар берди Vesti.ru нашри.
Қизалоқ лицензиясиз савдо қилгани учун жазоланди. Қизчанинг отаси мазкур қарордан норози бўлди, деб хабар берди Британиянинг ВВС телерадиокомпанияси.
“Мен полициячилар столни олиб, кўчанинг нарига томонига ўтишни талаб қилади, деб ўйлагандим. Қизим одамларни хурсанд қилиш учун уйнинг олдига лимонадли стол қўйиб ўтирганди”, деди қизчанинг отаси Андре Спайсер.
Унинг сўзларига қараганда, қизи қўрққанидан йиғлаб юборган. Қизчанинг йиғлаганини кўрган полициячилар ундан кечирим сўраб, келажакда ноқонуний равишдаги тадбиркорлик билан шуғулланмасликни тайинлашди.
