Жастин Бибер автомобилида уни таъқиб қилган папараццини уриб кетди, деб хабар берди Tvzvezda.ru нашри.
Машҳур канадалик қўшиқчи Жастин Бибер чоршанба куни куни кечқурун Беверли-Хиллзда журналистлардан қочаётганда, папараццилардан бирини машинада уриб кетди. Ижтимоий тармоқларга жойлаштирилган видеодан хонанданинг уни ўраб олган журналистлардан қочиш мақсадида машинага ўтиргани, аммо папараццилардан бирини уриб юборгани акс этган.
Жабрланувчи ЙТҲ оқибатида оёғидан жароҳат олди. Жастин Бибер воқеа жойида қолиб, полиция ва тез ёрдам ходимларининг келишини кутди. CNN телеканали берган маълумотга кўра, тан жароҳати олган 57 ёшли эркак касалхонага ётқизилган.
