Куни кеча Тошкентда юз берган ёнғин ижтимоий тармоқларнинг энг қайноқ мавзусига айланди. Дастлаб Тошкент шаҳар ИИББ ЁХБ ёнғин Аҳмад Дониш кўчасида жойлашган АЁҚШ ҳудудида солярка ортилган цистерна ёнгани сабаб юзага келганлиги маълум қилинганди.
Кейинроқ Ёнғин хавфсизлиги Бош бошқармаси ёнғин тафсилотлари ҳақида аниқ маълумот берди.
Маълум бўлишича, 2017 йилнинг 27 июль куни соат 10:31да Тошкент шаҳар ИИББ ЁХБ Марказий диспетчерлик хизматига, Олмазор тумани, Байроқтол кўчаси, 102-уйда жойлашган “12-сонли Трест” МЧЖ Хўжалик ҳисобидаги механизациялаштириш бошқармасининг Ёқилғи мой маҳсулотларини сақлаш шаҳобчасида ёнғин содир бўлаётганлиги ҳақида хабар тушган.
Ушбу манзилга биринчи бўлинмалар соат 10:32да етиб бориб, кўрилган тезкор ҳаракатлар натижасида ёнғин соат 10:48да қуршаб олиниб, соат 11:02да тўлиқ бартараф этилган ҳамда ёнғин АЁҚШни бошқа резервуарлари ва қўшни биноларига тарқалишининг олди олинди.
Ёнғин оқибатида 2 та резервуарларда дизель ёқилғиси ҳамда 1 та контейнерли автомобилларга ёқилғи қуйиш станциясида АИ-80 маркали бензин ёқилғиси ёнган.
Ёнғин оқибатида жабрланганлар йўқ.
