Актёр ва режиссёр бир нечта клиплар суратга олганидан хабарингиз бор.
Узоқов бир муддат танаффусдан кейин ижодга қайтган хонанда Нилуфарнинг "Аладдин" қўшиғи учун клип суратга олди ва клипдаги бош қаҳрамон Жафар образини яратди. Клип учун махсус тарихий либослар яратилди. Гримга ҳам алоҳида эътибор берилди. Жасмин ролини хонанда Нилуфарнинг ўзи ижро этди. Йигитали Мамажонов ҳам мазкур клипда асосий қаҳрамонлардан бирини ижро этди. У Жасминнинг севгилиси Аладдин образини яратган.
Ҳозирда клипни суратга олиш ишлари якунланган. У тез орада мухлислар эътиборига ҳавола этилади.
