Ўзбекистон ва Қорақалпоғистон халқ артисти Озодбек Назарбеков ўзининг янги қўшиғига суратга олинган клипни мухлислар эътиборига ҳавола этди.
Нодир Умаров мусиқаси, Ботиржон Эргашов сўзи билан куйланган “Мангуберди” таронаси клипи нафақат хонанда ижодида, балки ўзбек эстрадасида ҳам алоҳида ўрин эгаллайди, десак муболаға бўлмайди. Клипни томоша қилиш жараёнида бунга ўзингиз ҳам амин бўласиз.
Видеоклипда Жалолиддин Мангуберди образини актёр Миркамол, Чингизхон ролини қорақалпоғистонлик хонанда Махсет Отемуратов ижро этган.
