АҚШ раҳбарлик қилувчи халқаро коалициянинг ҳарбий ҳаво кучлари Раккада террорчилар позициясига берган зарбаси оқибатида бир аёл ва унинг етти фарзанди ҳалок бўлди, деб хабар берди Tvzvezda.ru нашри.
Маълум бўлишича, Ракканинг ИШИД террорчилари эгаллаб турган Имам ан-Нурий масжиди ва Харет-Бадавий кўчаси, шу билан бирга шаҳарнинг шимолий қисмида бўлган армия казармаси жойлашган кварталга зарба берилган.
Ракка экстремистларнинг сўнгги таянч шаҳри бўлиб қолмоқда. Шаҳар Сурия Араб республикасининг пойтахти бўлган Дамашқ шаҳридан 520 километр узоқликда жойлашган.
