2014 йилда Руминия ва Болгария Шенгенга қабул қилинмайди

2014 йилда Руминия ва Болгария Шенген ҳудудига қабул қилинмайди. Бу ҳақда Еврокомиссия раиси Жозе Мануэл Баррозу маълум қилади.

Баррозунинг сўзларига кўра, ушбу мамлакатларнинг Шенген битимига қўшилиши учун “ЕИда жуда катта қаршилик мавжуд”. У октябрь ойида Германия, Франция ва Нидерландия ҳукуматлари бунга қарши чиққанини эслатади.
Шу ўринда, Руминияга бу масалада бир неча бор рад жавоби берилганини қайд этиш жоиз. Бунга ушбу мамлакатда коррупцияга, уюшган жиноятчиликка қарши етарлича самарали курашилмаётгани, чегараларнинг хавфсизлиги таъминланмаётгани ва лўлиларнинг жамиятга интеграцияси бўйича мажбуриятлар бажарилмагани сабаб қилиб кўрсатилмоқда. Бухарестда эса, аксинча, мамлакат барча шартларни бажарган деб ҳисоблашяпти.
Бир қатор румин экспертларининг фикрича рад жавоби берилишига асосий сабаб шундаки, келаси йил бошидан ЕИга янги аъзо бўлган мамлакатлардан ушбу ҳудудга келадиган меҳнат муҳожирларига қўйилган расмий чеклов олиб ташланади.

2014 йилда Руминия ва Болгария Шенгенга қабул қилинмайди

Бизни ижтимоий тармоқларда кузатиб боринг

Бошқа янгиликлар