Таклобан шаҳри мэри Альфред Ромуальдезнинг сўзларига кўра, жабрланган ҳудудга тартиб ўрнатиш учун юборилганлар талончилар гуруҳлари билан қуролли тўқнашувларга киришишга мажбур бўлаётир. Талончилар озиқ-овқат ва дори-дармон излаб, бўш ётган уйлар, дўконлар ва омборхоналарни ўмармоқда.
Озиқ-оқват омборини ўмариш пайтида қулаган деворлар остида саккиз киши ҳалок бўлган. Маҳаллий ОАВ тарқатган хабарга кўра, омборни талон қилишда бир неча минг киши қатнашган. Полиция ва аскарлар ғазабланган оломон олдида ожизлик қилган.Сўнгги маълумотларга кўра, ўтган дам олиш кунлари Филиппинга ёпирилган “Хайян” довули қурбонларининг сони 2275 кишига етган, уч мингдан зиёд киши жароҳатланган, яна 84 нафар киши бедарак йўқолганлар рўйхатида.
