Кубанинг Пинар-дель-Рио провинциясида яшовчи фермернинг чўчқаси маймунсифат чўчқачани дунёга келтирди, деб хабар берди Vesti.ru нашри.
Маймунсифат чўчқанинг бир кўзи бўлиб, танаси жигарранг жун билан қопланган. Ғалати ҳайвон маҳаллий аҳоли ўртасида машҳур бўлди, уни томоша қилиш учун қўшни қишлоқлардан ҳам одамлар ёпирилиб келмоқда.
Маймунсифат чўчқачанинг қолган опа-укалари унга ўхшамайди, улар оддий чўчқачалардир. Ветеринарларнинг маълумот беришича, чўчқача генетик мутацияга учраган. Ғалати чўчқача ўзини яхши ҳис қилиб, опа-укалари билан бирга улғаймоқда.
