Лос-Анжелес суди Johnson & Johnson фармацевтик корпорацияси зиммасига унинг маҳсулотини ишлатгандан кейин саратонга чалинган аёлга 417 млн доллар товон пули тўлаш ҳақида ҳукм чиқарди, деб хабар берди Ria.ru нашри.
Мазкур товон пули миқдори бундай ишлар учун рекорд кўрсаткич ҳисобланади.
Суднинг маълумот беришича, компания ўзи ишлаб чиқарган маҳсулотларни қўллаганда, саратонга чалиниш хавфи борлигидан истеъмолчиларни ўз вақтида огоҳлантирмаган.
Таъкидланишича, АҚШда минглаб одамлар компанияга қарши шундай даъво аризалари билан судга мурожаат қилишган.
Аввалроқ Сент-Луис суди ушбу компания зиммасига саратонга чалинган аёлга 110 миллион доллар тўлаб бериш мажбуриятини юклаган эди.
