Россия телевидениеси Биринчи канали "Пусть говорят" ток-шоусининг янги бошловчиси Дмитрий Борисов украиналик сиёсатчи Дмитрий Суворовни студиядан чиқариб юборди, деб хабар берди Tengrinews.kz нашри.
Кўрсатув меҳмони украиналик меҳмон Дмитрий Суворов Украина Олий радасининг собиқ депутати Ирина Бережнойнинг ўлими ҳақида беадаб сўзларни айтгандан кейин бошловчи ундан студияни тарк этишни сўради. Кўрсатувнинг жанжалли кадрлари акс этган видео Биринчи каналнинг сайтига жойлаштирилди. Суворов студиядан чиқиб кетаётганда томошабинлар унинг ортидан “Шарманда!”, “Йўқол!”, деб қичқиришди.
