Лондон метросининг Парсонс-грин бекатида портлаш юз берди, жабрланганлар бор, дея хабар беради The Sun нашри.
Бир неча киши куйиш жароҳатини олди. Полиция ҳодисани теракт деб баҳолади.
Хабарларга кўра, бомба пластик челакни ичига ўрнатилган бўлиб, британия полицияси яна бир портлаш ускунасини зарарсизлантиришга муваффақ бўлган.
Гувоҳларнинг сўзларига кўра, вагонда контейнер портлаган.
Ҳодиса жойида тиббиёт ходимлари, қуролли кучлар ва ўт ўчирувчилар ишламоқда.
Айни дамда Лондон метросининг бир қисмида ҳаракат тўхтатилган.
Парсонс-грин — жуда кўп хорижликлар яшайдиган унчалик бой бўлмаган туман бўлиб, у ерда талабалар ва бой бўлмаган британияликлар яшайди. Парсонс-грин энг бой шаҳар Челсига жуда яқин жойлашган.
