Мексикада содир бўлган кучли зилзила оқибатида 220 киши ҳалок бўлди, ушбу рақам соат сайин ортиб бормоқда.
Бу сўнгги 30 йил ичида содир бўлган энг кучли зилзилалардан бири. Табиий офат оқибатида кўплаб бинолар вайрон бўлган, одамлар вайроналар остида қолмоқда. Мактаб биноси қулаши сабаб 20 нафар бола ҳалок бўлди. Мамлакатда фавқулодда ҳолат эълон қилинди, пойтахтга уч минг нафар ҳарбий олиб кирилди.
Сешанба куни содир бўлган зилзила магнитудаси 7,1 баллга тенг. Ер ости силкинишлари 57 км чуқурликда бўлган.
