Жорий йилнинг оҳиригача Ўзбекистон ва Қозоғистоннинг йирик шаҳарлари ўртасида мунтазам автобус қатнови йўлга қўйилади.
Бу ҳақда Мажилиснинг ялпи мажлисида Қозоғистон Республикаси инвестиция ва тараққиёт вазири Женис Касымбек маълум қилди, дея хабар беради Kazpravda.kz нашри.
Вазирнинг сўзларига кўра, айни дамда икки мамлакат ўртасида йўловчиларни ташиш бўйича автобус қатнови йўқ, бу эса чегарани кесиб ўтишда ноқулайликлар келтириб чиқаради.
Касымбек депутатларга йўловчиларни автомобиль транспортида ташиш бўйича мунтазам ва номунтазам қатновнинг қонуний меъёрлари ўрнатилган протоколни тақдим этди. Вазирнинг айтишича, ушбу ҳужжат савдо-иқтисодий ва иккитомонлама алоқаларни ривожлантиришда ижобий туртки саналади.
Тақдимотдан сўнг Мажилис депуталари бир овоздан протоколни мақуллашди.
