-Айни дам учинчи фарзандимга ҳомиладорман. Тўйимиздан сўнг икки қуда орасидан гап ўтиб, айтишиб қолишди. Ўшанда онам кўч-кўронимни йиғиштириб кетган. Лекин мен оиламни танлаб, онамнинг кетидан эргашмадим. Шу кунгача эрим иккимиз ўзимизга ажратилган икки хонали уйда яшаб келаётгандик. Онам «Уйни сотиб пулини менга берсаларинг, каттароғини олиб бераман» деганига ишониб, айтганидек қилдик. Айтган гапида туриб, ўзига яқин жойдан квартира олиб берди. Аммо энди «Эринг билан ажрашасан, кейин уй ҳужжатларини бераман» деб бизни уйга киритмаяпти. Ҳозир қайнимга аталган уйда яшаяпмиз. Онамни сира тушунолмаяпман. Бу ҳолатда қандай қонуний чора кўриш мумкин?
-Агар сизнинг маблағингиз эвазига онангиз томонидан сотиб олинган уй сиз ёки турмуш ўртоғингиз номига расмийлаштирилган бўлса, уйга оилангиз билан киришингизга тўсқинлик қилинган ҳолатларда турар–жой жойлашган ҳудуддаги фуқаролик судига даъво талаби билан мурожаат этишингиз мумкин.
Исми сир тутилади
Манба: «Sug'diyona» газетаси
