02.12.2013 12:17
Хитойлик қизчанинг қулоғида момақаймоқ ўсиб чиқди
Ички қон кетишининг олдини олиш учун болага зудликбилан жарроҳлик операцияси ўтказилди. Нашрнинг ёзишича, гул қизчанинг қулоқ каналида бир неча ой давомида ўсган ва 2 см узунликка етган.
Қизчанинг ота-онаси Пекин касалхонаси шифокорларига фарзандлари охирги 4 ой мобайнида қулоқ оғриғидан шикоят қилганини айтади. Олдинига ота-она бунга эътибор бермаган, кейин қизчанинг онаси унинг қулоғида ниманидир кўриб қолади. Қулоқ ичидаги буюмни мустақил равишда чиқариб ололмаган ота-она қизини касалхонага олиб боради ва у ерда ақл бовар қилмас “кашфиёт”нинг гувоҳи бўлади.
Тиббиёт мутахассисларининг сўзларига кўра, қулоқ каналининг илиқ ва нам муҳитида момақаймоқ яхшигина ривожланган ва қизчага жиддий жароҳат билан таҳдид
солаётган бўлган. “Ҳатто қон босимининг озгина кўтарилиши ҳам унда ички қон кетишини келтириб чиқариши мумкин эди, шу боис зудлик билан жарроҳлик операциясини ўтказишга қарор қилинди”, - дейди шифокорлардан бири.
Газетанинг ёзишича,одам қулоқларида ғалати предметлар тез-тез топилиб туради. Масалан, шу йил июль ойида бошидаги тушунарсиз оғриқлардан шикоят қилган англиялик аёл қулоғида Перуда юқтириб келган этхўр чувалчанглар яшаётганини аниқлаган. Ўтган йили эса хитойлик аёл қулоғидаги қичишлар туфайли унда ўргимчак яшаётганини билиб қолади.
