Ўтган йилнинг 31 октябрида мамлакатимиз раҳбарининг “Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида”ги қарори қабул қилинган эди. Ушбу ҳужжат доирасида бир қатор ижобий ўзгаришлар бўлди. Айниқса, нарх белгилаш билан боғлиқ янги тартиб-қоидага кўра, дори воситаларининг нархи сезилари пасайди. Маҳаллий ишлаб чиқарувчиларни қўллаб-қувватлаш, халқимизни сифатли ва арзон дори воситалари билан таъминлаш тизими такомиллаштирилди.
Аммо олиб борилаётган мониторинг ишлари, келиб тушаётган мурожаатлар дори-дармон таъминоти ва нархи масаласида ҳал этилиши лозим бўлган масалалар борлигини кўрсатди. Шу нуқтаи назардан жорий йилнинг 17 июлида «Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида»ги Президент қарори имзоланди. Мазкур ҳужжат аввалгисининг мантиқий давоми сифатида жорий этилмоқдаки, бунда ўз ечимини кутаётган кўплаб масалалар қамраб олинган. Хусусан, ҳужжатда аҳолини дори воситалари ва тиббиёт буюмлари билан узлуксиз таъминлаш, сунъий тақчиллик ва нархларнинг ошириб юборилишига йўл қўймаслик бўйича қатор чора-тадбирлар белгиланган. Бу ҳақда Соғлиқни сақлаш вазирлиги ахборот хизмати хабар берди.
Шундай тадбирлардан бири 2017 йил 1 августидан бошлаб ижтимоий аҳамиятга эга дори воситалари ва тиббиёт буюмларини четдан харид қилиш истисно тариқасида «Ўзмедэкспорт» республика ташқи иқтисодий давлат корхонаси томонидан Тиббиёт муассасалари ва аҳолини дори воситалари ҳамда тиббиёт буюмлари билан таъминлашни назорат қилиш бўйича республика комиссияси тасдиқлайдиган нархларда тўғридан-тўғри шартномалар бўйича тендер савдолари ўтказилмасдан амалга оширилиши бўлди.
Бунинг амалий аҳамияти шундаки, илгари хориждан харид қилинаётган дори воситалари то юртимизга киритилиб, дорихоналарга тарқатилгунига қадар бир неча босқичлардан ўтарди. Натижада ортиқча расмиятчиликлар сабаб, зарур дори белгиланган муддатидан кечикиб етиб келарди. Дори воситаларининг тендер савдоларисиз харид қилиниши айни шу масалага ечим бўлиши кутилмоқда.
Куни кеча «Ўзмедэкспорт» республика ташқи иқтисодий давлат корхонаси белгиланган вазифалар ижроси доирасида Россия Федерациясининг “Фармстандарт” акциядорлик жамияти билан ўзаро ҳамкорлик меморандумини имзолади. Меморандумнинг мақсади дори-дармон таъминоти бўйича томонлар учун ўзаро манфаатли бўлган узоқ ва ишончли ҳамкорликни йўлга қўйишдир. Ҳужжатга кўра, ушбу меморандумнинг амал қилиш муддати уч йил этиб белгиланди.
Маълумот учун Россия Федерациясининг “Фармстандарт” акциядорлик жамияти дори-дармон тайёрлаш ва ишлаб чиқариш билан шуғулланувчи йирик фармацевтик компания ҳисобланади. У йилига 17 миллиарддан ортиқ ўрамдаги кўплаб турдаги дори-дармон ишлаб чиқариш қувватига эга.
20.11.2021, 21:29
Жорий йилнинг 18 ноябрь куни соат 10:00 ларда, Тошкент вилояти, Оҳангарон туманида жойлашган “Чинор” ЙПХ масканида хизмат олиб бораётган ЙПХ ходими Р.Имомалиев томонидан “Isuzu” русумли...
17.09.2021, 12:45
Жиззахда 140 миллион сўмлик дориларни ноқонуний сотганлар қўлга олинди.Бош прокуратура ҳузуридаги Департамент бу ҳақда маълумот берди.Жиззах вилоят бошқармаси томонидан ўтказилган тезкор тадбирда, фуқаро Р.Ф. пандемия...
17.09.2021, 11:10
Давлат статистика қўмитаси маълумотларига кўра, сўнгги 5 йилликда соғлиқни сақлаш ва ижтимоий хизматлар соҳаси бўйича корхона ва ташкилотлар сони (1 сентябрь ҳолатига):🔸2016 йилда – 8...
06.09.2021, 11:28
Янгиҳаёт туманида дори воситаларини ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди. Янгиҳаёт туман бўлими томонидан ўтказилган тезкор...
