04.12.2013 15:34
АҚШдаги Гуам оролига 2 мингта ўлик сичқон ташланди
Шу мақсадларда ёғоч илониучун ўлимни англатувчи заҳар шимдирилган икки мингга яқин ўлик сичқон вертолётлардан оролга ташланди. Ушбу илон ноёб ҳисобланади, чунки у 2,5 метр масофагача сакраши ҳамда тикка туриши ва бунда ўз танасининг 80% узунлигини вертикал ушлаб туриши мумкин. унинг чақиши катталар учун заҳарли эмас, бироқ кичкина болалар
учун хавфлидир.
Рептилияларнинг ушбу тури ўтган асрнинг 50-йилларида оролга тасодифан олиб келинган. У Иккинчи жаҳон урушидан кейин Янги Гвинеядан ҳарбий юклар билан бирга келган бўлиши
мумкин. Табиий душманлари мавжуд бўлмаган шароитларда илонлар кўпайиб кетиб, қушларга қирғин келтира бошлаган.
Шу тариқа, 60 йил ичида Гуамда 25 турдаги қанотлиларнинг 10 та тури йўқолган, яна иккитасининг сони жуда камайиб кетган. Бундан ташқари, калтакесаклар ҳам илонларнинг
қурбонига айланган, хусусан, гекконларнинг иккита тури ва сцинкларнинг бир тури йўқолган, қолганлари эса йўқолиш хавфи остида турибди.
Табиий чанглатувчилар – қушлар ва калтакесаклар – йўқолиши натижасида оролдаги экотизим заифлашиб, қисқара бошлаган. Ўргимчаклар популяцияси эса кўпайган. Илонлар ўрмон қушларидан кейин уй товуқлари, аниқроғи тухумларига ўтган. Яқин-яқинларгача
йилига 8 миллион донага яқин тухум ишлаб чиқарган Гуам ороли, энди бу маҳсулотни импорт қилишга мажбур бўлаётир.
Учар илонлардан, айниқса, орол энергетикаси зарар кўрмоқда – рептилиялар мунтазам равишда электр энергияси ўчишига сабабчи бўляпти. Маълум бўлишича, илонлар устунлар ва трансформаторларга чиқиб, электр узатиш линияларида қисқа туташув ҳосил қилаётган экан.
Ўлик сичқонлар оролнинг одамлар яшамайдиган ва қишлоқ хўжалик фаолияти олиб борилмайдиган қисмига ташланган.
