«Ўзбекистон ҳаво йўллари» МАК 13 октябрдан Тошкент-Душанбе-Тошкент йўналиши бўйича нархларни пасайтирганини эълон қилди.
Эндиликда Тошкентдан Душанбега парвоз нархи бир томонга 75 EUR, Тошкент-Душанбе-Тошкент йўналиши бўйича 153 EURни ташкил қилади.
Авиачипталар Ўзбекистон ҳудудида миллий валютада Марказий банкнинг харид амалга оширилган кундаги курси бўйича ҳисобланади.
Миллий авиакомпания Тожикистон пойтахтига ҳафтада бир марта, сешанба кунлари А320 самолётида парвоз қилади.
