Зарина Низомиддинова анчайин қатъиятли аёлга айланган. Балки, ҳаётнинг паст-у баландлари қарама-қаршиликлари ўз хукмини ўтказгандир, яна ким билсин...
“Даракчи” газетаси мухбирининг бир қатор саволларига жавоб қайтарган санъаткор турмушга чиқаётганда нималарга аҳамият беришини ҳам айтиб ўтди.
“Бугунги кунда чин дилдан севиб, “уйланаман!” деб жиддий қарорда турганлар ҳам йўқ эмас. Лекин уйланмаган йигитга турмушга чиқмайман, деб ўзимга ўзим сўз бердим. Сабаби, уйланмаган йигитнинг дунёқараши, ҳаётга бўлган муносабати, уйланганларники кескин фарқ қилади. Қолаверса, бугунги эмас, эртанги ҳаётим ҳақида қайғураман. Уйланмаган йигит билан оила қурсам, унинг феъл-атворига чидаб яшашимга тўғри келади. Шу боис ҳаётга жиддий кўз билан қарайдиган, санъатимни тушунадиган инсон бўлса дейман. Уйланмаган йигитларга эса яхши қизлар насиб этсин (кулади)”.
Бундан ташқари ҳам актрисалик ҳам қўшиқчилик соҳаси билан шуғулланаётан санъаткор “юлдузлик касали”, санъаткорлар орасида дугонаси йўқлигининг сабаблари ҳамда ижтимоий тармоқлар хусусидаги мулоҳазалари билан “Даракчи” газетасининг 50-сонида чоп этиладиган интервьюда батафсил танишишингиз мумкин. Ўтказиб юборманг!
