Бугун Ўзбекистон уяли алоқа хизматларидан фойдаланувчи абонентларнинг телефонларига Ўзбекистон Республикаси Фавкулодда вазиятлар вазирлигининг навбатдаги огоҳлантирув хабари келди. Бу ҳақда[url=http://pressnews.uz/article/858] pressnews.uz нашри хабар бермоқда.
Хабарда, “Ўзгидрометмаркази маълумотларига кўра жорий йилнинг 1 дан 5 февралигача ҳаво ҳарорати меъёрдан пастга 15-20 даражагача тушади. Эҳтиёт чораларини кўришингизни сўраймиз”, дея огоҳлантирилган.
Мамлакатимиз ҳудудига Россиянинг марказий Европа қисмидан совуқ ва нам ҳаво кириб келмоқда. Ҳароратнинг кескин тушиши Қорақалпоғистон, Хоразм, Бухоро ва Навои вилоят аҳолисини кутмоқда — 28 даража.
