Кеча Сочидаги қишки Олимпия ўйинларининг тантанали очилиш маросимида Россиялик спорт шарҳловчиси Дмитрий Губерниев юртимиз спортчиларини майдонга чиққан пайтда “Тожикистон терма жамоасини қарши оламиз”, дея эълон қилган эди.
Ушбу ҳолат ижтимоий тармоқларда ўзбекистонликларнинг катта эътирозига сабаб бўлгани ҳақида аввал хабар берган эдик.
Бугун Губерниев ўз расмий сайтида қилган хатоси учун Ўзбекистон аҳлидан расман узр сўради.
“Ҳурматли Ўзбекистон аҳли!
Сочидаги Олимпия ўйинлари очилишини шарҳлаш жараёнидаги хатойим учун кечирим сўрайман. Бундан кейин эътиборли бўлишга ҳаракат қиламан. Спортчиларингизга Олимпия ўйинларида муваффақиятли иштирок тилайман!”
