Ана шу етти кун давомида Қувайтда Ўзбекистон амалий санъати ва фотокўргазмалар тақдимоти, Ўзбекистон туристик салоҳияти ва маданий обидалари тақдимоти, “Ўзбекистон-бағрикенг диёр” номли давра суҳбати, хаттотлик бўйича мастер-класслар ўтказилади, дея хабар бермоқда Ўзбекистон Миллий ахборот агентлиги.
Юртимиз вакиллари турли давлатларда ана шундай маданият ҳафталикларини ўтказиш борасида етарли тажрибага эга. Кўпчилик яхши эслайди ноябрь ойида Ашхабодда маданият кунлари ўтказилган эди. Тадбир доирасида ўтказилган амалий санъат намуналари кўргазмаси ва ўзбек санъат усталарининг концерти кўпчиликка манзур бўлганди.
