Шунга бағишлаб ўтказилган брифингда йўловчи ташиш хизматининг бугунги ҳолати, муаммо ва ютуқлар, амалга оширилиши лозим бўлган ишлар, ўқув курси мақсади ҳақида маълумот берилди.
— Сайёҳлик равнақини юксак даражадаги транспорт хизматисиз тасаввур қилиш қийин, — дейди Туризмни ривожлантириш давлат қўмитаси вилоят бошқармаси бошлиғи вазифасини бажарувчи Дилшод Нарзиқулов. — Шу боис Самарқанд автомобилсозлик коллежида бўлиб ўтаётган ўқув жараёнида ҳайдовчиларга йўл ҳаракати хавфсизлиги, сайёҳлар билан муносабат масалалари юзасидан кенг тушунчалар берилмоқда.
Вазирлар Маҳкамасининг жорий йил 30 июндаги “2017 — 2019 йилларда Самарқанд шаҳри ва Самарқанд вилоятининг туризм салоҳиятини жадал ривожлантириш чора-тадбирлари тўғрисида”ги қарорида худди шундай ўқув курсларини йилига камида икки марта ўтказиш кўзда тутилган.
