АҚШда Нью-Жерси штати Пойт-Плесант-Бич шаҳрида ёнғин содир бўлди. Фожеа оқибатида 4 киши ҳалок бўлди ва 8 киши яраланди. Аниқ маълумотларни округ прокурори Оушен Жозеф Коронато хабар қилди. аввалига 3 киши ҳалок бўлгани ва 10 киши бедарак йўқолгани ҳақида хабар берилган эди. Кейинчалик бедарак йўқолганлардан 9 нафари топилди. Бу ҳақда Vesti.ru нашри хабар бермоқда.
“Ҳалок бўлганларнинг барчаси эркак кишилар. Ҳозирда уларнинг шахси аниқланмоқда. Яраланганларнинг барчаси эса шифохонага етказилган”,-дейди прокурор.
Ёнғин вақтида меҳмонхонда 40 га яқин киши бўлган. ўт ўчирувчилар бўлакларни йиғиш ишларини якунлашмоқда, ёнғин сабаби ҳозирча аниқланмади.
Ўт 21 март куни тонгда барча ухлаётган пайт чиққан. Бунинг оқибатида икки қаватли бино тўлиқ ёниб кетган. Меҳмонхонада асосан “Сэнди” тўфонидан жабр кўрган маҳаллий аҳоли истиқомад қилар эди.
