Беруний тумани ҳокими Фарҳод Эрманов Президентимиз Шавкат Мирзиёев билан учрашувдан сўнг ўз лойиҳаси ҳақида "Ўзбекистон 24" телеканалига интервю берди.
"Яқинда муҳтарам Президентимиз топшириғига асосан, биз бир гуруҳ ҳокимлар, мутахассислар Индонезия давлатига бориб келдик. Бу давлат дунёда асосан аччиқ қалампир етиштирич экспорти бўйича юқори ўринда туради. Шунингдек балиқчиликни ривожлантириш бўйича бу ерда жуда катта ишлар амалга оширилаётгани билан танишдик. Бизга Президентимиз топшириғига биноан пахта майдонларини камайтириб, унинг ўрнига экспортбоп маҳсулотларни етиштириш бўйича топшириқ берилган. Шу жумладан туманимизда ҳам Индонезияда ўрганиб келган, қизил қалампир, аччиқ қалампирни етиштириш бўйича олдимизга мақсад қилиб олган эдик. Мана ҳозир Президентимизнинг ўзлари қўллаб қувватладилар.
2018 йилдан бошлаб 100 гектар ерда қизил қалампирни етиштириш бўйича тегишли фермерлар билан келишиб, уларни экиш бўйича тегишли ишларни олиб боряпмиз. Бунинг учун керак бўладиган уруғлик, талаб қилинадиган маблағлар бўйича шартномалар олиб борилмоқда. Ҳар бир гектар ердан бизнинг шароитимизда қалампир етиштирадиган бўлсак ўртача 1 гектар ердан 21 миллион сўмдан даромад тўғри келмоқда. Пахта билан солиштирадиган бўлсак 25 центнер ерга бор йўғи 500-600 минг сўмдан ошмаяпти. Кўриниб турибди бу 21 миллион билан 600 минг сўм ўртасида жуда катта фарқ бор", дейди Ф.Эрманов.
