Австралия ноқулай об-ҳаво шароити туфайли тўхтатилган лайнер қидирув ишларини давом эттирмоқда.
Австралия денгиз ҳаракати хавфсизлиги бошқармасидан хабар қилинишича, қидирув ишларида Австралия, Хитой, Янги Зеландия, АҚШ, Жанубий Корея ва Япония мамлакатларидан 12 та самолёт иштирок этади.
“Биз қидирув ишларини давом эттирамиз ҳамда ушбу ҳалокатни тагига етиш учун қўлдан келган барча ишни қиламиз”, - дейди Австралия бош вазири Тони Абботт.
Аввалроқ, Куала-Лумпурдаги матбуот анжуманида Малайзия бош вазири Нажиб Разоқ йўқолган Boeing сунъий йўлдош томонидан сўнги бор Перт шаҳридан ғарбда, Ҳинд океанида кўрсатилганини маълум қилган. Унинг айтишича, самолёт қўниши учун ер анча узоқда бўлган ва шу сабабли унинг океанга қулагани хақиқатга яқин деб ҳисобланмоқда. Шу билан Малайзия ҳукумати йўқолган лайнернинг қидирув ишларини тўхтатиши ҳақида маълум қилишди.
24 март куни Malaysia Airlines авиакомпанияси самолёт бортидаги барча ҳалок бўлгани ҳақида хабар берган.
“Барча маълумотлар самолётни Ҳинд океанининг жанубий қисмига қулаганини кўрсатмоқда”,-дейилади баёнотда.
Эслатиб ўтамиз, 8 март куни Малайзия авиакомпаниясига қарашли бўлган самолёт парвозга чиққанидан икки соат ўтгач, сирли тарзда ғойиб бўлган. Лайнер бортида 227 нафар йўловчи ҳамда 12 экипаж аъзоси бўлган.
