Дунёдаги энг катта шиша кўприк Хитойнинг Хэбей провинциясида қурилди, мехмонлар учун у шу якшанба куни очилади.
Шицзячжуан шаҳри Хунъягу туманида жойлашган кўприкнинг узунлиги 488 метр, эни – 2 метр.
Кўприк қалинлиги 4 сантиметр бўлган 1077 та шиша панеллардан қурилган. 70 тонн оғирликка эга ўзига ҳос конструкция 218 метр баландликдаги икки осма қояни боғлаб туради.
Кўприкни лойиҳалаштириш жараёнида муҳандислар унинг ўрта қисмини бироз чайқалувчан қилиб қуришди. Ҳисоб-китобларга кўра, кўприк 2 мингга яқин одамни кўтара олади, аммо ҳукумат қарорига кўра унга бир вақтнинг ўзида 500 тадан ортиқ одам қўйилмайди.
Қурилиш 1,5 йил давом этган.
